ഭക്ഷ്യവസ്തുക്കള്‍സൗജന്യമായി പരിശോധിക്കാൻ അവസരം

ജില്ലയിലെ വിവിധ സ്ഥലങ്ങളില്‍  ഭക്ഷ്യവസ്തുക്കള്‍  സൗജന്യമായി പരിശോധിപ്പിക്കാന്‍ പൊതുജനങ്ങള്‍ക്ക് അവസരം.ഭക്ഷ്യസുരക്ഷാവകുപ്പിന്റെ നേതൃത്വത്തില്‍ മൊബൈല്‍ ഭക്ഷ്യപരിശോധനാ ലാബോറട്ടറി വാഹനത്തിന്റെ ഡിസംബര്‍  മാസത്തെ പര്യടനം  രണ്ടാം തിയ്യതി മുതല്‍ തുടങ്ങും. ഡിസംബര്‍ 2 മുതല്‍ 7 വരെ ഉടുമ്പന്‍ചോല,   9 മുതല്‍ 13 വരെ പീരുമേട് ,  16 മുതല്‍ 21 വരെ തൊടുപുഴ , 23 മുതല്‍ 28 വരെ ഇടുക്കി   ,  30 മുതല്‍ 2025 ജനുവരി 4 വരെ ദേവികുളം  എന്നിവിടങ്ങളില്‍ വാഹനം പര്യടനം നടത്തും . ഇവിടെ  പൊതുജനങ്ങള്‍ക്ക് ഭക്ഷ്യവസ്തുക്കള്‍  തികച്ചും സൗജന്യമായി പരിശോധനയ്ക്ക് വിധേയമാക്കാം. ഫോൺ: 04862 220066

ജില്ലാ ഇന്‍ഫര്‍മേഷന്‍ ഓഫീസ് ഇടുക്കി
വാര്‍ത്താക്കുറിപ്പ്
30 നവംബര്‍ 2024